Suid-Afrikaanse skrywers haal kortlys

Twee Suid-Afrikaanse skrywers, J.M. Coetzee en Nadine Gordimer, is op die kortlys vir nóg ’n gesogte skrywerstoekenning. Die Man Booker-prys vir fiksie het vroeër vanjaar die eenmalige toekenning – The Best of the Booker, bekend gestel om die letterkundige prys se 40ste herdenking te vier.

Siegfried wen

Willem Anker se debuutroman, Siegfried, is so pas met die Universiteit van Johannesburg se debuutprys bekroon.

Windvanger kry wind van agter

Breyten Breytenbach se digbundel, Die Windvanger is bekroon met die gesogte Universiteit van Johannesburg prys vir skeppende werke.

Ons en die maan
M.C Botha

Die boek word bestempel as ’n “natuurroman” en daarmee word waarskynlik veronderstel dat die natuur, net soos Cornelius en Blackie Swart, ’n karakter in die verhaal is. Laasgenoemde twee, vader en seun, onderneem ’n safari na die Okavangodelta. Dit is kort voor die politieke omwentelings van 1994. Cornelius is ’n hooggeplaasde staatsamptenaar wat baie na aan die destydse NP-leiers is en Blackie werk op Beaufort-Wes in die poskantoor.

Jagseisoen
Francois Bloemhof

Kinders verdwyn by die Hoërskool Durbell, en dis nie weens stokkiesdraai nie. Quentin Marnitz is die tweede leerder wat ontvoer word en dit blyk nie die einde te wees nie. Is dit omdat sy pa – die kerk se skriba – iets onderduims aangevang het? Of is dit ’n komplot teen die skool en die hoof?
lees verder

Die Stiltetydbybel vir vroue
Maretha Maartens

Die Stiltetydbybel vir vroue bevat 365 dagstukke wat bestaan uit ’n gedeelte uit die Nuwe Testament, gevolg deur ’n geestelike oordenking. Die teks-gedeeltes is geneem uit die Nuwe Lewende Vertaling.

Lees verder

Apetown
Sven Eick

Lars bly in Kaapstad, hy is 25 en het dringend geld nodig. Hy dink ’n plan uit om vinnig genoeg geld te maak sonder dat hy enige werk hoef te doen. Hy word gehelp deur sy vriende Frankie, ’n opgeneukte oudsoldaat, en Croccy (wat nog nooit sy skoene uitgetrek het vandat hy 18 geword het nie).